第二篇 《幸运的快递员》第二章（1 / 1）

俾雷公睇中

暴雨如期而至。天文台预告终于有次系准确。

同时，台风白鸽将笼罩响伊毛市半个月有多，点都唔肯走，果个高温保护罩啄穿。热气顺住个缺口，混合住清冷噶风，手挽手呼呼声咁飞，去另外噶地方施暴。

街上噶树俾风吹到左摇右摆，跳紧舞咁样，仲不时响树上跌几个未熟，青bb噶芒果落地。种响车道中间花槽的花，正遭受住风同雨联手摧残，纷纷献身响马路，再俾行过噶汽车车碌辗压，一挞红，一挞青，一挞白，将马路“点缀”成花面猫。

成条街得一个人行紧，就系后悔紧跑出来呼吸“新鲜空气”果个快递哥--徐建宗。

“顶你个肺，突然间横风横雨，你玩我么，天！”佢心里边系咁讲。

“不过都好，热左咁耐，再热落去，唔死人都要热到入icu。”

“嘀风又几凉爽，唔好甘快停……”

“但系无担遮，唔好落咁耐……”

徐建宗右手响工装个心口袋，?副胶框墨超（司爷同款出来，姿姿悠悠咁戴落块面，挡住雨水，唔好俾对眼受委屈。然后，佢望到路边有个无人保安亭，有一边可以避雨，就行左埋去，扭左下门锁，保安亭系锁住噶。于是，佢就企响保安亭个门口，仲打算啪支烟仔打发时间。

哩个时候，天空有几道紫红色噶闪电耀眼而过，好快就有雷声跟住传来…

“轰轰轰……”几声雷声之后，紧接住又有几条银白色闪电，混合住噼噼声，系咁响云里面滚左几滚，好似想将个天空撕开。

个天唔似有停止落雨的欲望。雨，系越落越大；风，系越刮越狂；闪电，系越来越红；雷，系越来越暴躁。

突然，雨势比之前大左。两条粉红色噶闪电响天上果旧灰色的云层里边钻出来，向住保安亭方向扑埋去，雷声出尽气力响佢地身后跟住飞过去。

雨水响徐建宗眼里面，瞬间好似停滞响空气当中咁样，每一滴雨水系咩形状，佢都可以大概咁睇得清楚。不过一个大得惊人噶雷声声浪已经将佢拉返现实，轰一声，好似三四十吨炸药同时爆炸，声浪震到佢企唔稳，振到个头撞左响保安亭门框。雷声未离开，已经有一条赤红色闪电穿过雷声击中保安亭。

徐建宗就系俾雷公睇中果个，雷公睇中佢。

话说雷公可能无配近视眼镜，或者唔知道地球上噶人类已经发明出望远镜，闪电只系劈中保安亭，好彩徐建宗个头撞落保安亭果时，系副墨超先接触到个门框，电唔到佢，只系雷声过于强大，震到耳膜痛，一阵晕眩感觉袭来，徐建宗个身一软，顺住门框滑低昏左过去。

到佢俾风吹醒，月光已经拔开云朵，响天上边望住佢笑，地上边已经无咩水渍，好似无落过雨咁。

抬起手，望下手表，已经凌晨1:12，场雨落左有两个几钟头，系时候返屋企，听早要上班，仲要氹返女朋友。

返到屋门口，插锁匙入去，锁可以开得到，佟花无上天地锁，两公婆床头打交床尾和。

不过，徐建宗无入房间，响沙发训左大半晚。