第二篇 《幸运的快递员》第三章（1 / 2）

人，确实有三衰六旺。俾咁大个雷问候，又毫发无损，会唔会应晒果句：大难不死，必有后福。

第二日中午放工，经过彩票店，徐建宗好似平时咁，入去买几注打算博吓。

“老细，整1鸡三色球，同平时一样，4注自选，1注机选。”佢一边递单一边同彩票店老细讲。

“好啊。喂，今日有新来噶刮刮乐即开型彩票，要唔要整几张啊？新推出品种，彩金高过之前果嘀刮刮乐，头奖有35万，最低都有5文。一般新出哩嘀品种，中奖率会高少少。”老细结合自己经验同徐建宗讲。

听上去几吸引，试一试无妨。

点解，今日彩票店好似特别光，盏灯的光线有嘀唔系几舒服。仲系要戴副墨超挡一挡。

戴上副超，对眼果然舒服好多，又有型。呢一戴，仲系改变人生噶开始。

老细拿左一盒彩票出来，摆响徐建宗面前，叫佢自己拣。顺便递埋张打好噶双色球彩票落佢手。

“1鸡，埋左呢张单先。”徐建宗递张1文俾老细。然后目光就开始停留响果盒即开型彩票。

“哎，点解即开型彩票顶部有条荧光，仲有颜色同深浅区别？咦？唔只有光，条光后边仲有串数字百分比？咩回事？”戴住墨超噶徐建宗眼里边睇到一嘀其他人睇唔到噶现象，但呢一刻，佢无开口同其他人讲，只系响心里面同自己发问。

除低副墨超，佢察觉彩票面果条荧光唔见左，数字百分比亦都消失。再戴返副墨超，荧光条同数字百分比又出现。

“咁得意，原来戴住副超先可以睇到。”徐建宗仲未了解自己副墨超俾雷劈过之后，拥有左一项奇异噶功能。

“拣好未啊？要唔要先，其他人等紧嘎。”老细催佢。

“好啦，就要哩几张。”徐建宗随手响叠彩票里面，挑左7张出来。7张彩票里面，分别有三张显示紧荧光黄，两张荧光绿，一张荧光白，一张荧光粉；按顺序排列数字百分比就系黄色16%，绿色3%，白色5%，粉色4%

徐建宗又除低墨镜，彩票的荧光同数字百分比又都消失。

哦，确实系戴住墨镜先会睇到荧光同数字，佢确认。

神奇的事情即将发生。

“喂，俾支笔来刮刮佢，睇有无运行。”徐建宗同老细讲。

“实有运行，睇你今日个样几nice。”老细一边递支笔一边笑住回答徐建宗。

“我都认为你讲得啱，首先就有1鸡。”徐建宗将已经刮开果张白色彩票（只有佢睇得见系荧光白同5%放响台面，自己左手边，笑住同老细讲。

“哎，又中，有4，哈哈哈。”粉色4%果张都刮开了。